№

Ажлын нэр

Гүйцэтгэсэн хугацаа

Удирдагчид, оролцогчид

Үр дүн

1

"Уулын ажлын хүрээлэн буй орчинд нөлөөлөх сөрөг үзэгдлүүдийг багасгах технологи, уулын үйлдвэрүүдийн хөрөнгө оруулалтын үнэлгээ", ЭШ-ний ажлын тайлан.

1997-2000 он

Төслийн удирдагч Д.Батжаргал, гүйцэтгэсэн Х.Жаргалсайхан, Д.Доржгочоо, С.Цэдэндорж, Ш.Халтар, Т.Батжаргал, М.Нарангэрэл, Д.Болор, О.Цэвэгсүрэн, Э.Энх-Очир, Д.Бүрэнжаргал, С.Батзаяа, Ц.Ариунжаргал, Б.Энхбаатар.

Уул уурхайн үйлдвэрүүдийн байгаль орчны төлөв байдалд судалгаа хийж, түүнийг цаашид сайжруулах арга, замыг тодорхойлон, хүрээлэн буй орчинд нөлөөлөх сөрөг нөлөөллүүдийн ангилал, нөхөн сэргээлтийн арга, технологийг бий болгон, уулын ажлын сөрөг үр дагавраас урьдчилан сэргийлэх, техноген ачаалал болон экологийн аюултай байдлыг үнэлэх аргуудыг боловсруулан, техноген ачааллын ангилал зэргийг тусгасан.

2

Уурхайн автоматжуулалт, технологийн шинэчлэлт. ЭШ-ний ажлын тайлан.

УБ. 2000 он.

Удирдагч Д.Батжаргал, гүйцэтгэсэн Г.Дорж, Ж.Цэвэгмид, Л.Өлзийхишиг, Г.Сандагдорж, П.Ариунболор, Б.Пүрэвтогтох, С.Идэрмаа, М.Нарангэрэл, Б.Орхонтуул, А.Хайдав, Н.Н.Страбыкин, Е.В.Чудогашев, Н.Очирбат, Б.Батхишиг.

Уулын үйлдвэрийн цахилгаан хангамжийн найдвартай ажиллагааг дээшлүүлэх арга, зам, түүнийг төгөлдөржүүлэх үндсэн чиглэл, зөвлөмж, ил уурхайн зураг төслийн ажлын программ хангамж, уулын үйлдвэрүүдийн тоног төхөөрөмжийн оновчтой хослолыг сонгох, материалын зарцуулалт, хөрөнгө оруулалт, ашиглалтын зардлыг тооцох программуудыг боловсруулж, ил уурхайн нөхцөлд тохирох өрмийн шинэ огтлогч хошуу хэрэглэх эдийн засгийн үзүүлэлтүүдийг тооцож, дүгнэлт, зөвлөмж гаргасан байна.

3

"Үндэсний стандартын шинжлэх ухаан техникийн төвшинг дээшлүүлэх"  ШУТ-ийн төслийн хүрээнд: "Нүүрсний стандартчилал, чанарын баталгаажуулалтын боловсронгуй тогтолцоо" дэд төсөл.

2000-2002 он.

Гүйцэтгэсэн: Д.Батжаргал, Н.Ядамсүрэн, Л.Пүрэв, А.Авидмаа, Г.Булган, Г.Гантөмөр:

СХЗҮТ-тэй хамтран нүүрсний техникийн үзүүлэлтүүдийг тодорхойлох олон улсын стандартыг үндэсний стандарт болгон өөрийн орны нөхцөлд тохируулан өөрчилсөн. Үүнд нүүрсний дээж авах, Хүхрийн ерөнхий хэмжээ, дэгдэмхий бодисын гарц, чийг, давирхайг тодорхойлох зэрэг 12 стандарт хамрагдсан болно. Мөн Лабораторийн туршилтанд зориулж хүрэн, чулуун нүүрс, антрацит, шатах занарын дээж авах, Фосфорын агууламж, нүүрсхүчлийн карбонатын агууламж, бутармагийн хэмжээг тодорхойлох зэрэг 13 стандартыг хянаж шинэчлэн үндэсний стандарт болгон цаашид шинэчлэн боловсруулах шаардлагатай 44 стандартын жагсаалтыг гарган батлуулсан байна.

4

"Хөнгөн цагааны зарим ордыг ашиглах техник эдийн засгийн үндэслэл, технологи" ШУТ-ийн төсөл.

2000-2003 он.

Төслийн удирдагч: Д.Батжаргал, гүйцэтгэсэн: Г.Нацагдорж, Л.Өлзийхишиг, О.Цэвэгсүрэн, Д.Болд, Б.Зоригоо, Ж.Арсланбаатар, Б.Ганзориг, Ц.Төгөлдөр, Б.Энхтуяа, ЭБТ-ийн төвөөс: М.Дамдинсүрэн, Б.Нямдаваа, Д.Атарсайхан, Ю.Ганчимэг, Д.Байгалмаа.

Дэлхийн хөнгөн цагаан олборлолтын байдал, хэтийн төлөвийн судалгаа явуулж, Өвөр-Маратын хөнгөн цагааны ордын петрохимийн найрлага болон зонхилох хольц элементүүдийг нарийвчлан тогтоож, ордын нөөц тогтоох геологийн судалгааны материалыг бүрдүүлж, Өвөр-Маратын хөнгөн цагааны ордыг урьдчилсан томсгосон тооцоогоор жилд 300.0 мянган тонн хүдэр олборлох хүчин чадалтай үйлдвэр байгуулах уулын ажлын хэмжээг тодорхойлж, ил уурхайн  технологийн тоног төхөөрөмж, ашиглалтын системийн сонголт хийж  "Өвөр маратын хөнгөн цагааны ордыг ашиглах техник-эдийн засгийн үндэслэл, технологи"-ийг боловсруулсан.  Мөн нефелины хүдрийг урвуу болон шууд флотацийн аргаар баяжуулах туршилтыг явуулж, хөнгөн цагааны хүдэр баяжуулах технологийн горимын оновчтой хувилбарыг тогтоож, судалгааны үр дүнд тулгуурлан   "Өвөрмаратын хөнгөн цагааны хүдрийн орд газарт хүдэр баяжуулах үйлдвэр байгуулах техник эдийн засгийн үндэслэл" боловсруулсан.

5

"Нүүрсэн бордооны судалгаа, жижиг үйлдвэрийн техник эдийн засгийн үндэслэл" ЭШ-ний ажлын тайлан.

УБ. 2001 он.

Төслийн удирдагч Д.Батжаргал, гүйцэтгэсэн Ш.Мөнхжаргал, Д.Оюунболд.

Исэлдсэн хүрэн нүүрсийг бордоо болгон ашиглах онолын үндэслэлийг судлан, нүүрсэн бордоог фосфорын бордоотой хослуулан хэрэглэх, хөрс сайжруулагч болгон ашиглах талаар судалгаа хийх аргазүй, аргачлал боловсруулан, түүний дагуу судалгаа явуулж, туршилт хийсэн үр дүнгүүдийг тусгасан.

6

Чулуулгийн физик-механикийн шинж чанарын судалгаа, ЭШ-ний ажлын тайлан.

УБ. 2003 он.

Гүйцэтгэсэн Х.Жаргалсайхан, О.Цэвэгсүрэн, Б.Зоригоо, С.Энхцацрал, М.Нарангэрэл, Б.Лайхансүрэн, Л.Пүрэв.

Монголын томоохон нүүрс, зэсийн уурхайнуудын хөрсний чулуулгийн физик-механикийн шинж чанарын судалгаа хийж, тайлан гаргасан.

7

Монгол улсын нутаг дэвсгэр дээрх нүүрсний орд газруудын  нөөцийн шинэчилсэн үнэлгээ. (Монгол улсын түлш, эрчим хүсний 2000 оны гүйцэтгэлийн баланс). Дэвтэр III. ЭШ-ний ажлын тайлан.

УБ. 2003 он.

Төслийн удирдагч Д.Батжаргал, хариуцлагатай гүйцэтгэгч П.Дансранжав, зөвлөх Д.Содномдорж, Б.Нүүрэй, С.Батхуяг, Б.Батмөнх.

Манай улсын 2000 оны түлш, эрчим хүчний гүйцэтгэлийн  балансыг 21  аймаг, нийслэл хот тус бүрээр нь гаргасны үндсэн дээр   Монгол улсын түлш, эрчим хүчний 2000 оны гүйцэтгэлийн нийт балансыг гарган зохих үнэлэлт дүгнэлтүүдийг хийсэн.

8

"Уул уурхайн үйлдвэрийг бүс нутгуудад хөгжүүлэх үзэл баримтлал". ЭШ-ний ажлын тайлан.

2002-2004он

Төслийн удирдагч Д.Батжаргал, гүйцэтгэсэн Д.Доржгочоо, Г.Нацагдорж, Б.Ганзориг, М.Нарангэрэл, Б.Энхтуяа.

Бүс нутгийн одоогийн байдал, эдийн засгийн потенциал бүрэлдэн бий болсон нөхцөл, байгалийн нөөц баялаг зэргийг судлан,  жижиг хотуудад үйлдвэрүүдийг  цогцолбороор хөгжүүлэх арга замуудыг тодорхойлж, хэтийн төлөвийг гаргасан.

9

Занарын ордыг иж бүрэн олборлох дэвшилтэт технологи, техник-эдийн засгийн үндэслэл. ШУТ-ийн төслийн тайлан.

УБ. 2004 он.

Төслийн удирдагч: Ж.Нарангэрэл, Зөвлөх: Д.Батжаргал, гүйцэтгэсэн: Ш.Мөнхжаргал, Д.Бат-Эрдэнэ, Г.Рэнцэндорж, Ц.Төгөлдөр, Ж.Арсланбаатар, Б.Батзул, М.Нарангэрэл, Г.Бямбаа, Л.Батцэцэг, Б.Ганзориг.

Шатах занарын ашиглалт болон химийн найрлага, хими-технологийн судалгаа явуулж, монгол орны занарын ордуудын нөөц, олборлох, ашиглах боломжийг тогтоон, занарын ордыг иж бүрэн олборлох дэвшилтэт технологи бий болгон, зарим ордын жишээн дээр техник-эдийн засгийн үндэслэл боловсруулсан.

10

Энгийн тэсрэх бодисыг бэлтгэх шинэ техник, технологи. ЭШ-ний ажлын тайлан.

УБ. 2004 он.

Төслийн удирдагч Д.Батжаргал, зөвлөх Б.Лайхансүрэн, хариуцан гүйцэтгэгч Х.Жаргалсайхан, гүйцэтгэсэн Г.Бямбаа, С.Идэрмаа, Б.Зориг, Л.Батцэцэг, Б.Ганзориг, Б.Энхтуяа,

Энгийн тэсрэх бодисын хэрэглээний хүрээг өргөтгөх, ЭТБ-ыг бэлтгэх аюул багатай шинэ арга, технологи бий болгон, бага оврын тоног төхөөрөмжийн биет загвар хийж, туршсан. ЭТБ-ын үйлдвэрийн техник-эдийн засгийн үзүүлэлтүүдийг тодорхойлсон.

11

Сэдэв: "Хүрэн нүүрсийг хагас коксжуулах аргаар ахуйн утаагүй шахмал түлш үйлдвэрлэх зураг төсөл боловсруулах". ЭШ-ний ажлын тайлан.

УБ. 2007 он.

Төслийн удирдагч Д.Батжаргал, гүйцэтгэсэн С.Мангал, Б.Пүрэвтогтох, Г.Бямбаа, Н.Зоригт, Л.Батцэцэг, Б.Ганзориг, Д.Жавзансүрэн, ШУА-ийн Хими, хими технологийн хүрээлэнгээс: Ж.Дугаржав, ЭБТХүрээлэнгээс: Г.Бадамхатан, МУИС-иас: Д.Бат-Эрдэнэ.

Нүүрсний хэрэглээ, боловсруулалтын тойм судалгаа явуулж, нүүрснээс утаагүй шахмал түлш үйлдвэрлэх технологи, тоног төхөөрөмжийн сонголт, туршилт хийж, утаагүй шахмал түлшний үйлдвэр, цех байгуулах зураг төсөл боловсруулсан.

12

"Монгол орны нүүрсний ордуудын гидротермаль процессийн онолын судалгаа". ШУТ-ийн төсөл.

2008-2010 он.

Төслийн удирдагч: С.Мангал, гүйцэтгэсэн: Б.Дондогдулам, Д.Мягмаржав, А.Наранчимэг.

Монгол орны Багануур, Шарынгол, Шивээ-Овоо, Тавантолгой, Барууннаран, Хөшөөт, Адуунчулуун, Элдэв зэрэг ордын нүүрсний хими-физик шинж чанарын судалгааг гадаад орнуудын болон дотоодын лабораториудад хийсэн шинжилгээ судалгааны үзүүлэлтүүдийг харьцуулан судласан. Гидротермаль аргаар нүүрс боловсруулан, нүүрс хийжүүлэх зуухны түүхий эд болох өндөр чанарын нүүрс гаргах зорилгоор Төв аймгийн Дулааны цахилгаан станцын зуухыг хагас коксжуулалтын зуухаар солих урьдчилсан шатны ТЭЗҮ-ийг боловсруулжээ. Нүүрсийг гидротермаль аргаар боловсруулж чанарыг нь сайжруулах суурь судалгааны туршилтын ажлыг УУХ-гийн Нүүрсний хяналтын шинжилгээний лаборатори, “Монголын Алт” (МАК) ХХК-ий Нүүрс химийн лаборатори, Геологийн Төв Лабораторид тус тус гүйцэтгэсэн. Монгол орны хүрэн нүүрсийг  гидротермаль аргаар боловсруулах технологийн горимыг оновчилж нүүрсний чанарыг сайжруулах зүй тогтлыг тогтоосон нь уг ажлын  шинэлэг тал болжээ. Судалгааны ажлын хүрээнд Шивээ-Овоогийн хүрэн нүүрс, Сайхан-Овоогийн чулуун нүүрсний физик-технологи, химийн найрлагыг судлан, нүүрсийг гидротермаль аргаар боловсруулах технологийн горимыг оновчилсноор Шивээ-Овоогийн нүүрсний чийглэгийг бууруулж, илчлэгийн хэмжээг нэмэгдүүлэх боломж бүрдүүлэн байгаль орчинд сөрөг нөлөөгүй хий болон шахмал түлшний үйлдвэрийн сайн чанарын түүхий эд гаргах технологийг боловсруулсан болно. Нүүрсийг коксжуулах, хагас коксжуулах, утаагүй түлш үйлдвэрлэх, нүүрсний гидротермаль процессийн суурь судалгааны чиглэлээр 6 өгүүлэл бичиж хэвлэлд нийтлүүлжээ.

13

"Уул уурхайн үйлдвэрийн баяжмал, хаягдал дахь дагалдах элементүүдийн агуулгыг тогтоох судалгаа", ЭШ-ний ажлын тайлан.

УБ. 2012 он

Удирдагч Х.Жаргалсайхан, гүйцэтгэсэн Б.Пүрэвтогтох, Я.Дэрийлаамятав, Ц.Нансалмаа, Б.Энхчулуун, Т.Эрдэнэчулуун, Л.Батцэцэг, Д.Мягмаржав, А.Наранчимэг, Э.Сувдаа, Б.Батгэрэл, ШУА-ийн Хими, хими-технологийн хүрээлэнгээс: Г.Бурмаа, Ш.Нямдэлгэр, С.Ален.

Монгол улсын эдийн засагт эрдэс баялгийн салбарын нөлөөлөх нөлөөлөл, Эрдэнэтийн-Овооны хүдэр, баяжмал ба хаягдлын эрдсийн болон химийн бүрдлийг судлан, баяжмал, хаягдал дахь ашигт эрдсүүдийг тодорхойлон тэдгээрийг ялган авах, баяжигдах боломж зэргийг туршсан мөн шороон ордын алтыг дагалдах хүнд эрдсүүд, вольфрамит,цайр, төмрийн хүдрийн баяжигдах шинж чанарын судалгаа, дагалдах эрдсийн агуулгыг тодорхойлж, зэс, молибден, гянтболд, цайрын ордын ашигт эрдсүүдийн лавлах гаргасан.

14

"Үүсмэл ордын экологи-эдийн засгийн үнэлгээ, уул-техникийн нөхөн сэргээлтийн технологи" сэдэвт ажлын тайлан.

УБ. 2012 он.

Удирдагч: Б.Пүрэвтогтох, гүйцэтгэсэн: Д.Батжаргал, Х.Жаргалсайхан,С.Мангал, О.Цэвэгсүрэн, Л.Батцэцэг, Б.Дондогдулам, О.Чинзориг, Ц.Нансалмаа, Н.Уртнасан, Т.Эрдэнэчулуун, Б.Уранчимэг, А.Наранчимэг, УУИС-иас: Б.Алтантуяа, Ц.Оюунцэцэг, С.Энхцацрал, Эрдэс боловсруулалтын технологийн хүрээлэнгээс: Г.Бадамхатан, Б.Нямдаваа.

Алтны үүсмэл ордын экологи-эдийн засгийн үнэлгээ, уул-техникийн нөхөн сэргээлтийн технологи боловсруулан, Үүсмэл ордыг ашиглах уурхайн нөхөн сэргээлтийн ажлыг экологи-эдийн засаг, байгаль орчинд учруулах хохирлыг  үнэлэх аргачлалын дагуу судалгаа хийж, зарим уурхайнуудын хаалт, нөхөн сэргээлтийн төслийг хийж, үүсмэл ордын ашиглалтын нөөцийг үнэлэх, олборлох боломжийг судлан аж ахуйн эргэлтэнд оруулах, экологи-эдийн засгийн хувьд үр ашигтай байлгах санал, дүгнэлтүүдийг тусгасан эрдэм шинжилгээний ажлын тайлан гаргасан.

15

Говийн бүсийн уул уурхайн үйлдвэрүүдийн орчны бохирдлын экологи, эрүүл ахуйн үнэлгээ, бохирдлыг бууруулах болон хөрсний үржил шимийг сайжруулах чадавхитай ферментийн идэвхи бүхий штаммыг тодорхойлох. ЭШ-ны ажлын тайлан.

УБ. 2014 он.

Төслийн удирдагч Б.Пүрэвтогтох, гүйцэтгэсэн Н.Сайжаа, Х.Жаргалсайхан,  Г.Чингис, Б.Одонцэцэг, Б.Батдэлгэр, Х.Шүрэнцэцэг, Б.Хонгорзул, Ч.Заяа бусад,

Говийн бүсийн уул уурхайн үйлдвэрүүдийн орчны бохирдлын экологи, эрүүл ахуйн талаар судалгаа хийж, үнэлгээ гарган, бохирдлыг бууруулах болон хөрсний үржил шимийг сайжруулах бордоо гарган туршилтын ажлыг явуулж, хөрсний үржил шимийг сайжруулах чадавхитай ферментийн идэвхи бүхий штаммыг гарган авч, цаашид уурхайн нөхөн сэргээлтийн ажилд ашиглах зөвлөмжийг тусгасан.

16

“Хүрэн нүүрснээс шатдаг хий гарган авах техник, технологийн судалгаа, ордуудын ангилал”. ШУТ-ийн төсөл

2014-2017 он.

Төслийн удирдагч: Х.Жаргалсайхан, гүйцэтгэсэн: Б.Пүрэвтогтох, Я.Дэрийлаамятав, Б.Мягмаржав, А.Батчимэг, А.Наранчимэг, А.Батцэцэг, С.Дуламсүрэн, Л.Батцэцэг, Ц.Нансалмаа, Б.Батгэрэл, Б.Уранчимэг, Б.Төгөлдөр, Г.Отгонбаатар  бусад.

Багануур, Шивээ-Овоогийн хүрэн нүүрсний ордуудын нүүрсний давхарга бүрийн онцлог шинж чанарын талаарх судалгааг геологи, хайгуулын ажлын тайланг үндэслэн нарийвчлан судлаж, зарим хэсгийн нүүрсний давхаргаас нь дээж авч нүүрсний техникийн иж бүрэн шинжилгээ хийж, элементийн найрлагыг нь  тодорхойлсон. Манай нүүрсний шинжилгээний лабораторид сүүлийн 5 жилд хийсэн техникийн шинжилгээний үр дүнг судлан үзэж, хийжүүлэх боломжтой нүүрсний ордуудын жагсаалтыг гаргасан. Нүүрсийг хийжүүлэх технологийн чиглэлээр гадаад, дотоодын байгууллагуудад хийгдсэн судалгаануудтай танилцаж, онолын судалгааны тойм, дүгнэлт гаргасан. Нүүрсийг хагас коксжуулан утаагүй шахмал түлш үйлдвэрлэх туршилт судалгааны ажлын явцад үүссэн шатдаг хийн гарц, найрлагыг тодорхойлж, цаашид шатдаг хийг ашиглах чиг хандлагыг тогтоосон. Нүүрсийг хийжүүлэн шатдаг хий гарган авах лабораторийн туршилт судалгааны ажил гүйцэтгэх арга, аргачлалыг боловсруулсан. Нүүрсийг хийжүүлэх стенд дээр Багануур, Шивээ-Овоогийн нүүрсийг хийжүүлэх туршилт, судалгаа явуулсан нь амжилттай болсон юм.

17

"Ашигт малтмалын ордыг ашиглах дэвшилтэт, шинэ технологи боловсруулан нэвтрүүлэх судалгаа", ШУТ-ийн төсөл

2020 он

Удирдагч: Х.Жаргалсайхан, зөвлөх: Б.Пүрэвтогтох, хариуцан гүйцэтгэсэн: Б.Пүрэвтогтох, Б.Энхчулуун, Ц.Нансалмаа, Д.Бадамгарав, оролцон гүйцэтгэсэн: О.Цэвэгсүрэн, Д.Болор, Н.Уртнасан, Э.Сувдаа, Ц.Бат-амгалан, Э.Орхон, А.Наранчимэг, Л.Батцэцэг, А.Батчимэг, С.Дуламсүрэн, Т.Чанцалмаа, М.Дөлгөөн

Судалгааны ажлын үр дүн нь “Ашигт малтмалын ордыг ашиглах дэвшилтэт, шинэ технологи боловсруулан нэвтрүүлэх судалгаа” нэртэй Товч танилцуулга, Төслийн үр дүнгийн даалгаврын гүйцэтгэлийн товчоо, “Ашигт малтмалын ордыг ашиглах дэвшилтэт, шинэ технологи боловсруулан нэвтрүүлэх судалгаа” сэдэвт тайлан, бүтээлийн жагсаалт, Ил уурхайн мөчлөг–урсгал технологи ба хосолсон тээвэр, Мөчлөг-урсгал технологийн тээврийн нэгдүгээр үе – автотээвэр, Мөчлөг-урсгал технологийн тээврийн хоёр, гуравдугаар үе - конвейерийн тээвэр, Авто – конвейерийн хосолсон тээврийн хүлээн авах, дамжуулан ачих байгууламж, Ил уурхайн тасралтгүй ажиллагаатай технологи, машин төхөөрөмж, Монгол орны зарим томоохон уурхайн нөхцөлд мөчлөг урсгал болон тасралтгүй технологи нэвтрүүлэх техник-эдийн засгийн үндэслэл, үр дүн зэрэг 9 бүлэг,  304 хуудас бүхий үндсэн тайлан болон бусад шаардлагатай хавсралт тайлангуудаас бүрдэж байгаа болно. 
Төслийн үр дүнгээр Ил уурхайн авто замын чиглэл, бүдүүвч сонголт, Ил уурхайн авто замын хийц төлөвлөлт, Ил уурхайн автотээврийн тусгай хийцийн хэрэгслүүд, Нийлмэл тогтоцтой нүүрсний ордыг ашиглах технологийн сонголт, Ил уурхайн ачаа урсгалын удирдлага ба автотээврийн зохицуулалт, Ил уурхайн автосамосвалын шатахууны хэмнэлт, шатахуун зарцуулалтыг тодорхойлох дифференциал-аналитик арга зэрэг 14 өгүүлэл хэвлэн нийтлүүлж, 4 ордыг ашиглах уурхайн ТЭЗҮ-д мөчлөг-урсгал технологи, тээврийн конвейер, овоолго үүсгэгчийн иж бүрдлийг нэвтрүүлэхээр тусгаж, “Ил уурхайн автотээвэр”, “Ил уурхайн мөчлөг-урсгал технологи” бүтээлд зохиогчийн эрх авсан байна.

18

"Улаанбаатар хотын Хан-Уул дүүргийн Морингийн давааны айл өрхүүдийн зуух болон галлагааны горимын судалгаа" Японы олон улсын хамтын ажиллагааны байгууллагын захиалгат төсөл

2020 он

Удирдагч: Х.Жаргалсайхан, хариуцан гүйцэтгэсэн: Д.Болор, Ц.Нансалмаа, Б.Батгэрэл, Л.Батцэцэг, Д.Бадамгарав, Г.Тулга, С.Энхцацрал, Б.Нямдорж, оролцон гүйцэтгэсэн: Т.Төвсанаа, С.Дуламсүрэн, Э.Орхон, Г.Отгонбаатар, Х.Батсайхан, Ч.Ганчимэг, Ц.Баасан-Оюун, У.Солонго, Г.Ган-Эрдэнэ, А.Наранчимэг, Н.Уртнасан, Л.Түвшинжаргал, М.Дөлгөөн, Ц.Бат-Амгалан, Х.Баярсайхан, Ц.Мөнхбат

Уул уурхайн хүрээлэн нь 2020 онд Японы олон улсын хамтын ажиллагааны байгууллага JICA-гийн захиалгаар “Улаанбаатар хотын Хан-Уул дүүргийн Морингийн давааны айл өрхүүдийн зуух болон галлагааны горимын судалгаа”-төслийг хэрэгжүүлж, энэхүү судалгаанд 2 хүний бүрэлдэхүүнтэй, 10 баг  ажиллаж, 7 төрлийн 28 асуултанд хариулт авч, нийтдээ 501 айлаар орж асуулгын судалгаа хийсэн бөгөөд энэ хүрээнд  “Тавантолгой түлш” ХХК-ийн үйлдвэрлэж буй сайжруулсан шахмал түлшний хэрэглээ, чанарын талаарх мэдээллийг авч, боловсруулалт хийж, үнэлгээний тайланг  англи, монгол дээр бичиж JICA-байгууллагад хүлээлгэн өгсөн. Судалгааны үр дүнд бий болсон 3500 гаруй хуудас материалыг эксел программ дээр нэгтгэж, эх материалын хамт хүргүүлсэн болно.

19

"Уурхайн геотехникийн судалгаа" суурь судалгааны төсөл

2020 он

Удирдагч: Х.Жаргалсайхан, гүйцэтгэсэн:

Суурь судалгааны хүрээнд чулуулгийн физик-механик, геотехникийн шинж чанарыг тодорхойлох арга, аргачлалыг боловсруулан Эрдэнэтийн уурхайтай гэрээ байгуулсны үндсэн дээр “Эрдэнэтийн-Овоо ордын хүдрийн (чулуулгийн) эзлэхүүн жин, нягт, физик-механикийн шинж чанарыг нарийвчлан судлаж, шинэчлэн тогтоох судалгаа”-г хийж, тайланг хүлээлгэн өгсөн ба нүүрс, төмрийн хүдэр, жоншны 26 ордын 370 дээжинд чулуулгийн геомеханикийн шинж чанарыг  тодорхойлох судалгааг хийж, үр дүнг нь хүлээлгэн  өгөөд байна.